Frábær þátttaka í æfingabúðum SamVest á Laugum
Mjög góð þátttaka var í æfingabúðum SamVest á Laugum í Sælingsdal í nóvember 2014.
Æfingarnar hafa hingað til farið fram á höfuðborgarsvæðinu, Akranesi og Borgarnesi, svo að æfingabúðirnar eru nýjung. SamVest þjálfurum til aðstoðar var Hlynur Guðmundsson yfirþjálfari hjá Aftureldingu. Dagskrá og skipulagning æfingabúðanna á Laugum var til fyrirmyndar og gekk vonum framar, sérstaklega í ljósi þess að þátttaka fór fram úr björtustu vonum. Alls mættu 63 krakkar og fóru þau heim með bros á vör.
