SAMVEST

SamVest hefur boðið iðkendum uppá æfingabúðir að Laugum í Sælingsdal, nær árlega. 

Þær hafa heppnast vel og skemmtileg stemning myndast.

​

Markmið æfingabúðanna er þríþætt:
(a) að þjálfa og kynna krökkunum frjálsar íþróttir, m.a. með fjölbreyttum æfingum og leikjum,
(b) að gefa krökkunum tækifæri til að kynnast innbyrðis, í gegnum leik, æfingar og samveru, og svo
(c) að gefa þjálfurum á starfssvæði SamVest kost á að kynnast og læra eitthvað nýtt (m.a. með því að fá til okkar gestaþjálfara utan starfssvæðis okkar).

​

Æfingar eru fjölbreyttar og miðaðar við aldur þátttakenda.

Krakkarnir hafa farið í sund og haldið kvöldvöku - og svo er matur og hressing fyrir alla, að sjálfsögðu.

​

Við höfum haft allt upp í rúmlega 60 þátttakendur í æfingabúðunum - mikið fjör!

​